Tue. Nov 24th, 2020

Milad Rahy Ga – Rabi ul Awal Naat Lyrics 2020

 

Koi Gali Aisi Nahi Jo Na Saji Ho

Koi Bhi Ghar Aisa Nahi Jo Na Saja Ho

 

Mehfilen Durood Ki

Niaz Nabi Paak Ki

 

Sharbat Ki Sabeelen

Maula Ne Ata Ki

 

Milaad Rahega

 

Aaqa ki Muhabat Me

Ghar Baar Sajaey

 

Sarkar Ka Milaad Chalo Mil Ke Manaen

 

Jab talak dam me hai dam

Mujhe maula ki qasam

 

Meri nasalon me chalega

Yeh ruka hai na rukega

 

Sadae Durood ki aati rahengi

Jinhen sun ke dil shaad hota rahega

 

Khuda Ahle Sunnat Ko Abaad Rakhe Muhammad ﷺ ka Milaad Hota Rahega

 

Aae mere mustafa

Marhaba Yaa Mustafa

 

Aaj Hai sab ki sadaa

Marhaba Yaa Mustafa

 

Badshah e do jahan

Marhaba Yaa Mustafa

 

Tum sa koi hai kahan

Marhaba Yaa Mustafa

 

Assalam ae jane jaan

Marhaba Yaa Mustafa

 

Keh rahe hain ins o jaan

Marhaba Yaa Mustafa

 

Sara zamana kahe

Aaj koi na rukhe

 

Saans chale ya ruke

Naara yeh lagta rahe

 

Chaar yaaron ki sada

Marhaba Yaa Mustafa

 

Ahle bait ne kaha

Marhaba Yaa Mustafa

 

Ghaus paak ne kaha

Marhaba Yaa Mustafa

 

Mere Raza ne kaha

Marhaba Yaa Mustafa

 

Mere Murshid ne kaha

Marhaba Yaa Mustafa

 

Gali Gali Nagar Nagar

Naara Lagega

 

Milaad Rahega Milaad rahega

 

Islam ka paigam sadaa zinda rahega

Sarkar tera naam sadaa zinda rahega

 

Jab tak rahengay duniya me ushaaq salaamat

Milaad ka ye kaam sadaa zinda rahega

 

Bachpan se me milaad manata hi raha hu

Ghar baar muhalle ko sajata hi raha hu

 

Me iss se judaa reh nahi sakta Mere yaaro

Sarkar ka parcham me lagata hi raha hu

 

Yaa Nabi Salaam Aleyk

Yaa Rasool Salaam Aleyk

Salawatullah Aleyk

 

Milaad ke sadqay se Ghulamo pe hai rahmat

Milaadiyo ki dekho jahan bhar me hai izzat

 

Qabaren khulin tou dekh ke hairaan hais science

Aaqa ke ghulamo ke tou chehray bhis salamat

 

Ho hind me khuwaja ke sabhi chahne waale

Yaa paak watan me mere data ke deewanay

 

Milaad tou har des me hota hi raha hai

Iss baar yeh jaega siraato se bhi aage

 

Bacho ko Muhammad ki ghulami ka batana

Aaqa ki muhabat inhe ghutti me pilana

 

Tum aal o sahaba ke fazail bhi suna kar

Aashiq bana rahe ho tou sunni hi banana

 

Milaad hai emaan mera kyun na manau

Mehfil Durood e Paak ki me kyun na sajau

 

Milaad ke munkir se mera kaisa taaluq

Rishta nabi ke pyaare ghulamo se nibhau

 

Namoos e sahaba ke alam daar rehengay

Azwaj e muqaddas ke namak khaar rahengay

 

Hum se na hongi beiaten dast e yazeed par

Hum aale Muhammad ke wafadar rahengay

 

Anwar ki barsaat hai rahmat ki jhari hai

Yeh aamina ke laal ke aane ki ghari hai

 

Sharbat ki sabeelay kahin sarkar ka Langar

Khaaengay Ujaagar ke yeh Milaad nabi hai

 

 

Watch Naat

 

Leave a Reply

Your email address will not be published. Required fields are marked *